ब्रेकिङ न्युज :

नेपाली कांग्रेस सिन्धुपाल्चोक क्षेत्र नम्बर १ मा संस्थापन पक्षले रामचन्द्र पौडेल पक्षलाई क्लीन स्वीप ज्योति विकास बैंकले चन्द्रागिरी नगरपालिका६ काठमाडौं स्थित मातातिर्थ वृद्धाश्रममा आश्रित वृद्धाहरुलाई जाडो महिनामा उपयुक्त हुने न्यानो कपडाहरु प्रदान नेकपा एमाले को १०औं राष्ट्रिय महाधिवेशनको बाट अध्यक्ष द्वारा सर्वस्म्मतका लागि प्रस्तुत गरिएको पार्टी पदाधिकारीहरूको नामावली यस प्रकार बालिका बलात्कारको अभियोगमा ललितपुरबाट एकजना पक्राउ एमाले महाधिवेशन लम्बियो, खाना खर्च कसले ब्यहोर्छ ? नेपाली कांग्रेसले प्रदेश अधिवेशनको मिति दुई दिन पर सारेको छ प्रधानमन्त्री शेरबहादुर देउवा आवासका लागि बङ्करसहितको नयाँ अत्याधुनिक सरकारी भवनमा सर्दै ईश्वर पोखरेल, वरिष्ठ उपाध्यक्षमा ईश्वर पोखरेल र महासचिवमा शंकर पोखरेलको नाम घोषणा नेपाली कांग्रेसले एमालेलाई पराजित गर्ने-नेपाली कांग्रेसका नेता गगन थापा आफ्नै आमा र बहिनीको कुटपिटबाट मृत्यु

भावुक हुँदै डान्सर सुशान्त खत्रीले भने, 'प्रहरीले बिना कारण थप्पड हान्यो'

Rojjan Raj Pandey १५ कार्तिक २०७८, सोमवार

भारतीय टिभी रियालिटी सो ‘इन्डियाज डान्सिङ सुपरस्टार’ बाट चर्चा कमाएका डान्सर सुशान्त खत्रीले आफूलाई प्रहरीले बिनाकारण झापड हानेको बताएका छन्।

सुशान्तले फेबसुक र इन्स्टाग्राममार्फत आइतबार राति ह्यालोविन पार्टीमा सहभागी भएको बेला प्रहरीले दुर्व्यवहार भएको बताएका हुन्।

सुशान्तका अनुसार उनी हिजो राति एलओडी र त्सयसपछि सेनेटमा गएका थिए। साथीहरुसँग रमाइलो गरिरहेका उनी अबेरसम्म बसे। प्रहरीले क्लब बन्द गराउन लाग्दा उनले आफूले प्रहरीसमक्ष बिल तिरेर निस्कने आग्रह गरे।

'तर त्यहाँनिर मिसअन्डरस्ट्यान्डिङ के भयो भने एउटा भाइले उहाँको बिल भइसक्यो भने। तर अर्को भाइसँग मेरो बिल बाँकी थियो। अनि त्यसपछि पुलिसले मेरो काँधमा समातेर घिसारेर बाहिर लानुभयो।' 

उनले साथीहरु र सिसिटिभी फुटेज प्रमाणका रुपमा रहेको दाबी गर्दै भने, 'पुलिसले यस्तरी समात्नुभयो मलाई हातमा पीडा भइरहेको थियो। त्यसपछि गालामा एक झापड हान्नु भयो। यसरी हान्नुभयो कि त्यस्तो झापड मैले जीवनमा कहिल्यै खाएको थिइनँ। कसैको अधिकार छैन यहाँ मलाई झापड हान्न।'

उनले आफूलाई प्रहरीले ज्याकेट र मास्कसमेत लगाउन नदिई हाफ सर्टमै सोह्रखुट्टे प्रहरी चौकी लगेर एक घन्टा थुनेको बताए। 

देशका लागि मेहनत गरेर काम गरेको तर आज यस्तो दुर्व्यहार भोग्नुपर्दा चित्त दुखेको भन्दै भिडिओमा लाइभ आएका उनले आसुसमेत झारे। 

कुनै पनि प्रहरीले आममान्छेलाई हात हाल्न नपाउने भन्दै उनले भने, 'हाम्रो सेवाको लागि खटेको प्रहरीले नै हामीलाई कुटेपछि हामी कसरी सुरक्षित हुन्छ?', उनले भनेका छन्, ‘पुलिस भनेको जनताको सेवा गर्ने मान्छे हो, त्यही मान्छेले हात हाल्ने ? यो गलत हो। हामी पुलिस भनेर सम्मान दिन्छौं, हामीलाई पनि त्यही सम्मान चाहिन्छ। सीधै झापड हान्न पाइन्न’

सुशान्तले आफूमाथि भएको दुर्व्यवहारका लागि माफी माग्दै प्रहरीबाट सम्पर्क गरिने अपेक्षा राखेको बताएका छन्। 

सुशान्तले भनेका छन्, 'कल आएन भने कानुनी प्रक्रिया अघि बढाउँछु।'setopati

लोकप्रिय