ब्रेकिङ न्युज :

नेपाली कांग्रेस सिन्धुपाल्चोक क्षेत्र नम्बर १ मा संस्थापन पक्षले रामचन्द्र पौडेल पक्षलाई क्लीन स्वीप ज्योति विकास बैंकले चन्द्रागिरी नगरपालिका६ काठमाडौं स्थित मातातिर्थ वृद्धाश्रममा आश्रित वृद्धाहरुलाई जाडो महिनामा उपयुक्त हुने न्यानो कपडाहरु प्रदान नेकपा एमाले को १०औं राष्ट्रिय महाधिवेशनको बाट अध्यक्ष द्वारा सर्वस्म्मतका लागि प्रस्तुत गरिएको पार्टी पदाधिकारीहरूको नामावली यस प्रकार बालिका बलात्कारको अभियोगमा ललितपुरबाट एकजना पक्राउ एमाले महाधिवेशन लम्बियो, खाना खर्च कसले ब्यहोर्छ ? नेपाली कांग्रेसले प्रदेश अधिवेशनको मिति दुई दिन पर सारेको छ प्रधानमन्त्री शेरबहादुर देउवा आवासका लागि बङ्करसहितको नयाँ अत्याधुनिक सरकारी भवनमा सर्दै ईश्वर पोखरेल, वरिष्ठ उपाध्यक्षमा ईश्वर पोखरेल र महासचिवमा शंकर पोखरेलको नाम घोषणा नेपाली कांग्रेसले एमालेलाई पराजित गर्ने-नेपाली कांग्रेसका नेता गगन थापा आफ्नै आमा र बहिनीको कुटपिटबाट मृत्यु

एमाले महाधिवेशनमा एम्बुलेन्स र दमकल सञ्चालनमा समेत चुनौती, यी स्थानमा पैदलै हिड्नुपर्ने

Madhukar Pandey ९ मंसिर २०७८, बिहिवार

चितवन । नेकपा (एमाले)को १०औं राष्ट्रिय महाधिवेशनका लागि एमालेका नेता कार्यकर्ता चितवन आइपुग्ने क्रम सुरु भएको छ ।

शुक्रबारदेखि सुरु हुने महाधिवेशनका लागि देशभरबाट एमालेका नेता कार्यकर्ता उपस्थित हुने भएपछि सुरक्षा र ट्राफिक व्यवस्थापन चुनौतीपूर्ण बनेको छ ।

पहिलो उद्घाटन सत्रमै सुरक्षा व्यवस्था केन्द्रीत गर्नेगरी जिल्लामा सुरक्षा योजना बनेको छ । सबैभन्दा बढी जोड ट्राफिक व्यवस्थापनलाई दिइएको जिल्ला प्रशासन कार्यालय चितवनले जनाएको छ ।

कार्यक्रम उद्घाटनको विहान १० बजेदेखि बेलुकी साढे ५ बजेसम्म पूर्ववाट आउने सवारी पारस बसपार्क, पश्चिमबाट आउने सवारीलाई गैंडाकोटमै, काठमाडौं पोखराबाट आउने सवारीलाई आँपटारीमै रोकिने भएको छ ।

अत्यावश्यक सवारी बाहेक यो त्रिकोणात्मक क्षेत्रमा पैदलनै हिँड्नुपर्ने र सवारी प्रवेशमा निषेध गरिएको प्रमुख जिल्ला अधिकारी अस्मान तामाङ बताउनुहुन्छ । तर, सवैभन्दा चुनौती नारायणी पुलमा देखिएको छ ।

पूर्वपश्चिम राजमार्ग जोड्ने एकमात्र सडक नारायणी पुल मात्र भएकाले एम्बुलेन्स, दमकललगायत अत्यावश्यक सवारी आवतजावतमा समस्या हुने देखिएको छ । यद्यपि सुरक्षा योजनाअनुसार पुलमा कसैलाई बस्न नदिइने र पुलबाट शिवघाटको बाटो हुँदै गन्तव्यमा पुर्‍याइने तामाङको भनाइ छ ।

त्यस्तै, प्रहरीले भीआईपी र भीभीआईपी पाहुनाहरूलाई छुट्टै सवारी मार्गको व्यवस्था मिलाएको छ । प्रधानमन्त्री समेतलाई मार्ग तयार पारिएको र ट्राफिक व्यवस्थापनसहित अन्य पूर्ण सुरक्षालाई समेत ध्यान दिइएको चितवनका प्रमुख जिल्ला अधिकारी तामाङ बताउनुहुन्छ ।

एकीकृत रणनीतिक सुरक्षा योजना अनुसार थप सुरक्षाकर्मीको माग गरिएको छ । तामाङका अनुसार ८० देखि ९० जना ट्राफिक, सशस्त्र प्रहरीबाट ३ सय ३३ जना, करिव ४ सय नेपाल प्रहरी र राष्ट्रिय अनुसन्धानका समेत जनशक्ति थप माग गरिएको छ ।

महाधिवेशन र जिल्लाको अन्य सुरक्षाका लागि छुट्टाछुट्टै समूह बनाएर काम भइरहेको जिल्ला प्रहरी कार्यालय चितवनका प्रमुख प्रहरी उपरीक्षक ओमप्रसाद अधिकारीले जानकारी दिनुभयो ।

जनशक्ति थप गरेपछि व्यवस्थापन सहज हुने भए पनि मानिसहरूको अत्यधिक भीड र साँघुरो ठाउँले अत्यावश्यक सवारी रोकिनसक्नेतर्फ आयोजक र प्रशासनले विशेष ध्यान दिनुपर्ने देखिन्छ ।imagekhabar

लोकप्रिय