ब्रेकिङ न्युज :

नेपाली कांग्रेस सिन्धुपाल्चोक क्षेत्र नम्बर १ मा संस्थापन पक्षले रामचन्द्र पौडेल पक्षलाई क्लीन स्वीप ज्योति विकास बैंकले चन्द्रागिरी नगरपालिका६ काठमाडौं स्थित मातातिर्थ वृद्धाश्रममा आश्रित वृद्धाहरुलाई जाडो महिनामा उपयुक्त हुने न्यानो कपडाहरु प्रदान नेकपा एमाले को १०औं राष्ट्रिय महाधिवेशनको बाट अध्यक्ष द्वारा सर्वस्म्मतका लागि प्रस्तुत गरिएको पार्टी पदाधिकारीहरूको नामावली यस प्रकार बालिका बलात्कारको अभियोगमा ललितपुरबाट एकजना पक्राउ एमाले महाधिवेशन लम्बियो, खाना खर्च कसले ब्यहोर्छ ? नेपाली कांग्रेसले प्रदेश अधिवेशनको मिति दुई दिन पर सारेको छ प्रधानमन्त्री शेरबहादुर देउवा आवासका लागि बङ्करसहितको नयाँ अत्याधुनिक सरकारी भवनमा सर्दै ईश्वर पोखरेल, वरिष्ठ उपाध्यक्षमा ईश्वर पोखरेल र महासचिवमा शंकर पोखरेलको नाम घोषणा नेपाली कांग्रेसले एमालेलाई पराजित गर्ने-नेपाली कांग्रेसका नेता गगन थापा आफ्नै आमा र बहिनीको कुटपिटबाट मृत्यु

मेलम्चीको पानी आउने तालिका यस्तो छ

Rojjan Raj Pandey १६ चैत २०७७, सोमवार

 करिब ३० वर्ष पहिलादेखि देखिएको  काठमाडौं बासीको सपना आइतबार पुरा भएको छ । काठमाडौंको महाँकालचौरस्थित पुरानो पानी पोखरीबाट उपभोक्ताको घरका धारामा पानी खसालेर मेलम्चीको पानी पिउने काठमाडौं बासीको एउटा बहुप्रतिक्षित सपना विपनामा परिणाम भएको हो ।

हाल पुराना पानीपोखरीहरुमा सिन्धुपाल्चोकको मेलम्चीबाट ल्याइएको पानी भरेर पुरानै पाइपलाइन र धाराहरुमा पानी दिने र नयाँ पाइपलाइन परीक्षण गरी पानी थप गर्दै लैजाने केयूकेएलले जनाएको छ ।

पहिलो चरणमा चार करोड लिटर पानी महाँकालचौर, अनामनगर, मीनभवन र खुमलटारस्थित पोखरीहरुमा जम्मा हुने जनाइएको छ । आइतबारदेखि देवकोटा सडक, बत्तिसपुलली, जयवागेश्वरी, चाबहिल, कुटुबहाल, सिफल, कालोपुल, एयरपोटहाइट, धनवन्तरीमार्गलगायत क्षेत्रका धाराहरुमा पानी वितरण गरिएको केयूकेएलले जनाएको छ ।

त्यस्तै  दोस्रो चरणमा बालाजु स्थित पानी पोखरीमा ६.५ करोड लिटर, तेस्रो चरणमा बाँसबारी स्थिति र महाराजगञ्ज पानी पोखरीमा ८.५ करोड लिटर पानी र चौथो चरणमा कीर्तिपुर, भक्तपुर ठिमी, भत्तपुर स्थित पोखरीहरुमा समेत गरि १७ करोड लिटर पानी जम्मा गर्ने योजना रहेको छ । यी स्थानमा पानी भारिएपछि काठमाडौं चत्रपथभित्र र आसपासका स्थानमा पानी वितरण गरिने काठमाडौं उपत्यका खानेपानी लिमिटेडले जनाएको  छ । 

काठमाडौं उपत्यका खानेपानी लिमिटेड(केयुकेएल)ले जारी गरेको तालिका अनुसार राति १२ बजेदेखि २ बजेसम्म महांकालचौरको ट्यांकीबा पानी राति २ बजेदेखि ९ बजेसम्म न्युरोड र क्षेत्रपाटी क्षेत्रमा वितरण गरिने बताइएको छ । 

त्यसैगरि, बिहान ९ बजेदेखि दिउँसो ३ बजेसम्म कुटुबहाल, सिफल, कालोपुल, मालीगाउँ र विशाल नगर क्षेत्रमा वितरण हुनेछ । मध्यान्ह १२ बजेदेखि साँझ ७ बजेसम्म भने देवकोटा सडक, बत्तीस पुतली, जय बागेश्वरी, चाबहिल क्षेत्रमा मेलम्चीको पानी आउनेछ ।

 साँझभा भने ७ बजेदेखि ८ बजेसम्म पुनः महांकालचौरीको ट्यांकी भरिनेछ भने त्यसपछि राति ८ बजेदेखि १२ बजेसम्म मैतीदेवी, घट्टेकुलो र डिल्लीबजार क्षेत्रमा पानी आउनेछ । 

यस्तै दोस्रो दिन राति १२ बजेदेखि २ बजेसम्म महांकालचौरमा रहेको ट्यांकी भरेर २ देखि बिहान ८ बजेसम्म इनबहाल, ज्याठा, भोटाहिटी, कमलाक्षी र नक्साल क्षेत्रमा मेलम्चीको पानी आउने केयुकेएलले जारी गरेको विज्ञप्तिमा उल्लेख छ  ।

त्यस्तै, ८ बजेदेखि १० बजेसम्म ट्यांकी भरेर १० देखि ४ बजेसम्म बानेश्वर, सिनामंगल, मिलनचोक र संगम चोक क्षेत्रमा पानी आउनेछ । यस्तै बिहान १० बजेदेखि ४ बजेसम्म नै जय बागेश्वरी, मित्र पार्क, चावहिल, रातोपुल, कालीमाटीमा पानी आउने बताइएको छ । 

यस्तै अपरान्ह ४ बजेदेखि ५ बजेसम्म ट्यांकीमा पानी भरेर फेरि साँझ ५ देखि मध्यराति १२ बजेसम्म  चारखाल, डिल्लीबजार, कमलादी, बागबजार, त्रिपुरेश्वर क्षेत्रमा पानी आउनेछ । 

पानी आउने दिनको पहिलो दिनमा आइतबार र दोस्रो दिनमा सोमबार मान्दा त्यसको एक दिन बिराएर धारमा पानी आउनेगरी तालिका बनाइएको छ । 

काठमाडौं उपत्यकामा अब दैनिक वा दिन विराएर पानी पठाउने केयुकेएलले जनाएको  छ । पानी आउने दैनिक सूचना केयुकेएलका विभिन्न शाखाहरुको फेसबुक, जनसम्पर्क इकाइहरुबाट उपलब्ध हुने जनाएको छ । यदि ग्राहकको धारामा पानी नआएका केयुकेएलले इमेल मार्फत वा फोन मार्फत जानकारी गराउन समेत अनुरोध गरेको  छ aarthiknews

लोकप्रिय