ब्रेकिङ न्युज :

नेपाली कांग्रेस सिन्धुपाल्चोक क्षेत्र नम्बर १ मा संस्थापन पक्षले रामचन्द्र पौडेल पक्षलाई क्लीन स्वीप ज्योति विकास बैंकले चन्द्रागिरी नगरपालिका६ काठमाडौं स्थित मातातिर्थ वृद्धाश्रममा आश्रित वृद्धाहरुलाई जाडो महिनामा उपयुक्त हुने न्यानो कपडाहरु प्रदान नेकपा एमाले को १०औं राष्ट्रिय महाधिवेशनको बाट अध्यक्ष द्वारा सर्वस्म्मतका लागि प्रस्तुत गरिएको पार्टी पदाधिकारीहरूको नामावली यस प्रकार बालिका बलात्कारको अभियोगमा ललितपुरबाट एकजना पक्राउ एमाले महाधिवेशन लम्बियो, खाना खर्च कसले ब्यहोर्छ ? नेपाली कांग्रेसले प्रदेश अधिवेशनको मिति दुई दिन पर सारेको छ प्रधानमन्त्री शेरबहादुर देउवा आवासका लागि बङ्करसहितको नयाँ अत्याधुनिक सरकारी भवनमा सर्दै ईश्वर पोखरेल, वरिष्ठ उपाध्यक्षमा ईश्वर पोखरेल र महासचिवमा शंकर पोखरेलको नाम घोषणा नेपाली कांग्रेसले एमालेलाई पराजित गर्ने-नेपाली कांग्रेसका नेता गगन थापा आफ्नै आमा र बहिनीको कुटपिटबाट मृत्यु

विपक्षीसँग 'डिल' गर्न आवश्यक छैन, कूटनीति सिक्नुहोस : भारतीय नेता

Rojjan Raj Pandey १४ जेठ २०७८, शुक्रवार

सत्तारुढ दल भारतीय जनता पार्टी (वीजेपी) ले राष्ट्रपति विद्यादेवी भण्डारीले भारतीय समकक्षी रामनाथ कोविन्दलाई पठाएको पत्रबारे चासो व्यक्त गरेको छ । राष्ट्रपति भण्डारीले खोप उपलब्ध गराइदिनका लागि पहल गरिदिन अनुरोध गर्दै समकक्षीलाई मंगलबार पत्राचार गरेकी थिइन् ।

वीजेपीका विदेश विभाग प्रमुख विजय चौथाईवालेले नेपालको पछिल्लो राजनीतिक अवस्था, कोभिड-१९ नियन्त्रण र राष्ट्रपति तहको पत्राचारबारे भारतका लागि नेपाली राजदूत निलाम्बर आचार्यसँग छलफल गरेका थिए । बिहीबार अपरान्ह नेपाली दूतावासमा झण्डै एक घन्टा बिताएका चौथाईले नेपालको राजनीतिक अवस्थासँगै अहिलेको महामारी र त्यसको नियन्त्रणमा भएको विषयमा चासोमात्र राखेनन्,  राष्ट्रपतिको तहबाट पत्राचार हुनुको सन्देश के हो भनेर जिज्ञासा राखेको दूतावासका एक अधिकारीले जानकारी दिए । 

 

 

राजदूत आचार्यसँग खोप र अक्सिजनलगायतका अत्यावश्यक स्वास्थ्य सामग्रीको आपूर्ति विषयमा छलफल गरेको दूतावासले औपचारिक जानकारी बाहिर ल्याए पनि चौथाईवाले खासगरी राष्ट्रपतिको पत्र र नेपालको राजनीतिबारे छलफल गर्न दूतावास आएका थिए । उनले राष्ट्रपति तहबाट भएको पत्राचारको विषयलाई सत्तारुढ दलले गम्भीर रूपमा लिएको र कार्यकारी प्रमुख तहमा हुनुपर्ने काममाथि किन भयो भन्दै जिज्ञासा राखेका थिए । 

उनले के चीनबाट नेपाल खोप आउने भएपछि यो तहको राजनीति भएको हो भन्दै गम्भीर आपत्ति जनाएको पनि स्रोतले बतायो । नेपालले साच्चै अब राष्ट्रपति तहमा नै छलफल र पत्राचार गर्ने हाे भन्दै उनले कूटनीतिक ठट्टासमेत गरेका  थिए ।  कि अहिलेको प्रधानमन्त्रीले गफ गर्ने कानुनी आधार नभएर त्यस्तो पत्राचार भएको हो भनेर भरतीय नेताले साेधेकाे पनि दूतावास अधिकारीले जानकारी  दिए । चाैथाईवालाले नै यसअघि पनि अक्सिजन माग गर्दा प्रधानमन्त्री र राष्ट्रपति दुवैले पत्राचार गरेकाे स्मरणसमेत गरेकाे अधिकारीले बताए ।

नेपालको समस्यामा भारत सहयोग गर्न सधै तयार रहेको बताउँदै चौथाईवालेले कोभिड महामारी नियन्त्रणका लागि नेपालले भारतबाट कस्तो सहयोग चाहेको हो त्यो स्पष्ट राख्‍नसमेत आग्रह गरेका थिए । राजदूत आचार्यले भारतीय विपक्षी दल कांग्रेससँग पनि छलफल गरेको र सरकारले खोप उपलब्ध गराए आफूले विरोध नगर्ने भनेको चौथाईवालालाई सुनाएपछि यस्तो कुरा नगर्नु सरकारसँग सिधा कार्यकारी तहमा नै 'डिल' गर्नु भन्दै सुझाएको पनि एक अधिकारीले प्रष्ट पारे ।  

यद्यपि राजदूत आचार्यले भने कोभिड महामारीको विषयमा नेपाललाई आवश्यक पर्ने खोप र अन्य सामग्रीको बारेमा छलफल भएको बताए । भारतको सिरम इन्स्टिच्युटले आपूर्ति गर्न बाँकी दश लाख खोप ढिलाई नगर्न राजदूतले आग्रह गरेका थिए । त्यो विषय राष्ट्रपतिको तहमा समेत पत्राचार भएको छ । 

नेपाल सरकारले सिरमलाई २० लाख डोज खोपको अग्रिम भुक्तानी गरे पनि हालसम्म १० लाख डोज मात्र आपूर्ति गरेको छ । खोप आउने ढुक्क भएर पहिलो डोज लगाएका जेष्ठ नागरिकले दोस्रो डोज लगाउन पाएका छैनन् । उनीहरू प्रति भारत विरोधी भावना स्वभाविक रूपमा बढ्ने कार्य भारतीय पक्ष स्वयंले गरेको धारणा नेपाली कूटनीतिज्ञहरूले बारम्बार उठाउँदै आए पनि त्यसमा भारतले नै बेवास्ता गरेको हो । 

खोप कार्यक्रम नै प्रभावित भएको अवस्थामा भारतले खोप नदिएर आम नेपालीको मन कुड्याउने काम गरेको अवस्थामा यो भेट भएको हो ।  चौथाईवाले भारतीय प्रधानमन्त्री नरेन्द्र मोदी र गृहमन्त्री अमित शाहका विश्‍वासपात्र मध्येका एक हुन । उनको भेटवार्तामा राजनीतिक विषयमा छलफल नभएको भनिए पनि त्यो असम्भव रहेको एक अर्का अधिकारीले बताए ।

अन्तराष्ट्रिय बीपी चिन्तन प्रतिष्ठानका अध्यक्ष सन्दीप रानाको पहलमा भेटवार्ता भएको थियो । उनी पनि भेटमा सहभागी थिए । चौथाईवालेलाई उनले नै दूतावास लिएर आएको दूतावास स्रोतले बतायो । यद्यपि उनले नेपालको राजनीतिक घटनाक्रमाबारे नेपालको आन्तरिक मामिला भनेका छन् ।

जुन भारतीय विदेश मन्त्रालयले बुधबार त्यही भनेको थियो । नेपालको घटनाक्रमलाई भारतले नजिकबाट नियालेको पनि उनले बताएका छन् । राजनीतिक घटनाक्रमबारे चोथाईवालेको धारणा पनि भारतीय विदेश मन्त्रालयको जस्तै रहेको राजदूत आचार्यले स्पष्ट पारेका थिए । 

चौथाईवाले कोभिडकै समय अर्थात गत मंसिरमा काठमाडौँमा राजनीतिक भेटघाट गरेका थिए । हुन त त्यसअघि नै भारतीय खुफिया एजेन्सी रअका प्रमुख सामन्त गोयल नै काठमाडौँ आएर प्रधानमन्त्री केपी शर्मा ओलीसँग मध्येरातसम्म लामो वार्ता गरेर फर्केका थिए । त्यसलाई सामान्यीकरण गर्न चौथाईवाले नेपाल आएका थिए । ekagaj

लोकप्रिय